समुपदेशन’ या विभागात लिहिलेल्या कथांतून आपल्यासारखीच मध्यमवर्गीय संस्कारात वाढलेली माणसे भेटतात. कधीकधी सुखाच्या हव्यासापायी ती मृगजळाचा पाठलाग करताना दिसतात, तर कधीकधी स्वतःवरची जबाबदारी दूर न लोटता, कोठेतरी दिलासा शोधताना दिसतात. कैक वेळा समस्यांच्या दबावाखाली आक्रमक मार्ग पत्करतानाही दिसतात. अशा या सर्व पीडित व्यक्ती उलटसुलट विचारांत गोधळून जातात आणि आपल्या स्वतःच्याच संस्कार व संस्कृतीला प्रश्न करीत राहतात. अशा व्यक्तींबरोबर प्रवासात समुपदेशकाला उमजत जाणारे मानवी जीवनाविषयीचे वास्तव अधिकाधिक व्यापक व सखोल होत जाते. बऱ्याच वेळा हे वास्तव प्रश्नार्थकही होत जाते आणि म्हणूनच आव्हानात्मक ठरते यात शंका नाही.